АНУ-аас Монголд суугаа онц бөгөөд бүрэн эрхт элчин сайд Энн Уинд Кэмбэлл нийтлэлээрээ дамжуулан “Сул дорой бус хүчирхэг, хариуцлагатай Орос улс байх нь АНУ, Монгол улс цаашлаад дэлхийн ашиг сонирхолд нийцнэ” хэмээн мэдэгджээ. Тэрээр Киевээс Вашингтон, Улаанбаатар хүртэл дэлхий даяар нэгдэн авлигад идэгдсэн, дарангуйлагч удирдагч нараа эсэргүүцэн боссон эрх зоригт хүмүүсийн эрхийн төлөө дуугарсаар байх ёстой хэмээн бичсэн байна. Тиймээс Украины төлөө бид хамтран нэгдэх ёстой гэжээ. Мөн манай улсад айлчилж буй АНУ-ын батлан хамгаалахын сайд Чак Хагел Украины асуудлаар нэгдмэл байр суурьтай байхыг уриалж магадгүй хэмээн эх сурвалж мэдэгдэв.