Солонгосын эрдэмтэд анх удаа Их Британийн үүлдрийн нохойг колонийн аргаар хувиласнаа зарлав. Энэхүү нохойг 2004 онд хүний үр хөврөлийг колонийн аргаар хувилж, алдаа гаргаж байсан эрдэмтдийн баг бүтээжээ. Хүний үр хөврөл, тулгуур эсийг ашиглан хувилж байсан эдгээр эрдэмтэд тухайн үедээ үндэсний баатар болж байсан ч ёс суртахуунгүй үйлдэл хийсэн хэмээн багагүй шүүмжлүүлж байв. Доктор Ван вү Сүк улсын мөнгөөс олон сая долар авч судалгааны ажилд ашигласан хэргээр ажлаасаа халагдсан аж. Гэвч түүний судалгааны багийнхан бууж өгөхгүй, АНУ-д гэхэд хэдэн арван гэрийн тэжээвэр амьтныг хувилаад байгаа гэнэ. Смит хэмээх Америк бүсгүй уралдаанд оролцож түрүүлсэн нохойгоо хувилуулахын тулд 60 мянган фаунд төлжээ. Ингээд эрдэмтэд 12 настай Винни нохойны тулгуур эсийг клонийн аргаар хувилж, удмын сангийн мэдээллийг нь хуулбарласан байна. Нохой гадна төрхөөрөө өмнөхтэйгөө яг ижил боловч зан авирын хувьд өөр гэнэ. Учир нь , эцэг эхийнх нь генийн мэдээлэл адилхан боловч амьтад эхийн хэвлийд бүрэлдэх явцдаа зан чанар нь өөрчлөгддөг байна. Тиймээс өмнөх шигээ шинж чанартай болохгүй байх магадлал өндөр тул мөнгөө дэмий үрсэн ажил болдог гэнэ.