Өвөрхангай аймгийн Хархорин дахь сум дундын прокурорын газраас санаачлан ойн тухай хууль тогтоомж зөрчих гэмт хэрэг ихээр үйлдэгдэг Өвөрхангай аймгийн Бат-Өлзий суманд 2014 оны 04 дүгээр сарын 16-ны өдөр Эрүүгийн хуулийн тусгай ангийн 211 дүгээр зүйлийн 211.2 дахь хэсэгт зааснаар яллах дүгнэлт үйлдэн Сум дундын 18 дугаар шүүхэд шилжүүлсэн  Б, Л нарт холбогдох хэргийн эрүүгийн шүүх хуралдааныг Бат-Өлзий сумын соёлын төвд орон нутгийн иргэдийг оролцуулан нээлттэйгээр зохион байгуулсан байна.

Уг шүүх хуралдаанд Өвөрхангай аймгийн Бат-Өлзий сумын 200 гаруй иргэн шүүх хуралдааныг сонирхон оролцсон ба Сум дундын прокурорын газар, сум дундын 18 дугаар шүүхтэй хамтран зохион байгуулсан нь гэмт хэргээс урьдчилан сэргийлэх чиглэлээр зохион байгуулсан томоохон ажлуудын нэг бөгөөд иргэдийн эрх зүйн мэдлэг, ойн тухай хууль тогтоомж зөрчих гэмт хэргийг буруулах, түүнээс урьдчилан сэргийлэхэд чиглэсэн үр дүнтэй ажил болсны  дээр ойн тухай хууль тогтоомж зөрчих гэмт хэрэг ихээр үйлдэгддэг Бат-Өлзий суманд шүүх хуралдааныг зохион байгуулснаараа онцлогтой болжээ

 Эрүүгийн хэргийн шүүх хуралдаанд улсын яллагчаар хяналтын прокурор Ч.Энхжаргал, Д.Бат-Өлзий нар оролцсон ба шүүхээс шүүгдэгч нарт хорих, баривчлах ял оногдуулан, гэмт хэрэг үйлдэхдээ ашигласан тээврийн хэрэгсэлийг улсын орлого болгож  шийдвэрлэсэн байна.