Орчин үед 3D принтерийн арга хөдөө аж ахуй, аж үйлдвэрлэл, био инженерчлэл, анагаах ухаан зэрэг салбарт өргөн хэрэглэгдэх болжээ. Ингээд 3D технологиор бүтээсэн хүний эрхтэнүүдийг танилцуулъя.

Голландын анагаах ухааны сургуулийн эрдэмтэд дэлхийд анх удаа хуванцар материалаар хүний гавлын ясыг хэвлэсэн юм. Ингэснээр тархины гэмтэлтэй өвчтөнүүдийг аврах боломж нэмэгдсэн гэж хэлж болно. Уг хиймэл гавлыг шилжүүлэн суулгасан өвчтөн гурван сарын дараа ажилдаа орж, анагаах ухааны гайхамшгийг мэдрүүлсэн билээ.
Нүд
Их Британийн судлаачид 3D технологийн ачаар нэг цагт 150 хиймэл нүд хэвлэх боломжтой болсон билээ. Хүний нүдийг янз бүрийн өнгө, хэлбэртэйгээр хэвлэж, шилжүүлэн суулгаж байна. Үүнийг Энэтхэг зэрэг Азийн орнуудад хямд үнэтэйгээр нийлүүлэх боломжийг судалж, харааны гажигтай хүмүүст туслах нь судлаачдын гол зорилго билээ.

Чих

Эрдэмтэд алсын зай дах чимээг сонсох боломжтой бионик чихийг 3 хэмжээст аргаар хэвлэжээ. Бионик чихийг Америкийн нанотехнологийн мэргэжилтнүүд зохион бүтээсэн бөгөөд энэ чихний тусламжтайгаар сонсгол муутай хүмүүс дуу чимээг хэвийн хүний хэмжээнд сонсох юм. Энэ чихэвчийг уян хатан материалаар хийжээ. 3 хэмжээст аргаар хүний эд эдсийг хэвлэхэд электрон хэрэгслүүд тус болно. Ингээд электроны тусламжтайгаар биологийн системийг оролж, эрхтэн системийг төлөөлүүлж, ажилладаг байна. Энэ чих нь радио долгиноныг зөвхөн хүлээж авах боловч эрдэмтэд бусад акустик дуу зэрэг материал ашиглан сонсох чадварыг нь нэмэгдүүлэх боломжтой юм байна. 
Арьс
Америкийн эрдэмтэд нүүрэндээ гэмтэл авсан хүмүүст зориулан хиймэл арьсыг хэвлэх болжээ. Жинхэнэ арьснаас ялгагдахааргүй синтетик арьсыг үйлдвэрлэх болсоноор шархи сорвиноос айх шаардлагагүй. Учир нь хүний өөрийнх нь эд эсийг нөхөн төлжүүлэх замаар хэвлэсэн арьс жинхэнээс огт ялгагдахгүй.
Үе мөч
3D принтерээр гар, хөл, хуруунуудыг хэвлэх нь шинэ үзэгдэл байхаа больжээ. Үүнийг хамгийн анх өрөөсөн гаргүй болсон 14 настай Даниел Омар хүүд амжилттай шилжүүлэн суулгасан байна. Хиймэл гарыг 100 долларын өртгөөр бүтээх боломжийг эрдэмтэд судалж эхлэв.
Яс
3D технологиор хүний ясыг хэвлэсэн нь өнөө цагийн шинжлэх ухааны хамгийн том амжилтуудын нэгт тооцогдож байна. 2011 онд Вашингтоны их сургуулийн эрдэмтэд ясыг хэвлэх аргыг нээж олсон билээ.