Хятадад бичил бизнес эрхлэгчдийг татвараас хөнгөлж, бодлогоор дэмжихээр болжээ. Тус улсын бичил бизнес эрхлэгчид жил бүр 100 мянган юань буюу 16 мянган долларын татвар төлж, орлогынхоо бараг тал хувийг хасуулдаг байжээ. Тэгвэл “Татварын газар”-аас энэ жилээс эхлэн 2016 он хүртэл бизнес эрхлэгчдийг татвараас чөлөөлж, эдийн засгийн дарамтыг нь багасгах шийдвэр гаргасан байна. Ингэснээр эдийн засгийн өсөлтийг хурдасгахаар төлөвлөжээ. Хятадын ДНБ-ийн өсөлт энэ оны эхний хагаст 7,4 хувь хүрч, 2012 оноос буурсан үзүүлэлттэй гарсан юм. 2013 оны тооцоогоор Хятадад 11,7 сая бичил бизнес эрхлэгч компаниуд үйл ажиллагаа явуулж, улсын аж ахуйн нэгжүүдийн 76,6 хувийг бүрдүүлж байгаа ажээ.