Өмнөд Солонгосын аврагчид живсэн усан онгоцон дотор шумбаж, ор сураггүй алга болсон 268 хүнийг эрэн хайх ажиллагааг үргэлжлүүлж байна. Эрх баригчид ослоор амь үрэгдэгсдийн тоо 64-т хүрч, аврагдсан хүмүүсийн тоо 174 болж өөрчлөгдсөнийг зарлажээ. Инчеоноос Чежү арлыг зорьж явсан “Sewol” онгоцны 476 зорчигчийн 339 нь “Ансан” ахлах сургуулийн сурагчид байсан юм. Эрлийн багийнхан сураггүй алга болсон 268 зорчигчоос амьд хүн үлдээгүй хэмээн яаран дүгнэлт хийхээс татгалзаж, эрлээ үргэлжлүүлж байна. Онгоцны ахмад 69 настай Лиг зорчигчдод буруу зааварчилгаа өгч, аврах ажиллагаанд хүндрэл учруулсан хэмээн буруутгаж байгаа билээ.