Жуулчны гудамжны талбайг чөлөөлж, зам барих шийдвэрийг Нийслэлийн удирдлагууд гаргасан. Тэгвэл "Гудамж" төслийнхөн удахгүй замын ажлаа эхлэх гэж байгаа аж.  Мөн тэд замын ажлын хажуугаар тус гудамжинд байдаг 10 гаруй хөшөөг нүүлгэн шилжүүлэхээр болжээ. Тухайлбал, Тоонот, сарлагтай хүүхэд гээд 10 гаруй хөшөө байдгийг бүгдийг нь Үндэсний цэцэрлэгт хүрээлэн рүү нүүлгэхээр болсон байна.  Эдгээр хөшөөг Чингэлтэй дүүргийн Засаг даргын захирамжаар аялал жуулчлал дэмжих зорилгоор 2009 онд Б.Хийморь гэдэг барималч бүтээсэн аж.

Гэхдээ эхний ээлжинд замын ажил эхэлвэл Хот тохижилтын хашаанд уг хөшөөнүүдийг буулгах юм байна. Нүүлгэн шилжүүлэх, хадгалах асуудлыг Нийслэлийн захирагчийн ажлын алба хариуцаж байгаа гэнэ.