Өмнөд Солонгосын Инчеоноос Чэжү арлыг зорьж явсан “Sewol” хөлөг онгоц осолдож, 64 хүний аминд хүрээд байгааг албаныхан мэдэгдсэн. Энэ хэрэгт сэжиглэгдэн баривчлагдаад байсан усан онгоцны инженер амиа хорлохыг завджээ. Тэрээр өчигдөр өглөө байцаалт өгөхдөө ийм үйлдэл хийсэн бөгөөд яаралтай эмнэлэгт хүргэж, амийг нь аварсан байна. Онгоц живэх үед зорчигчдыг аврах шуурхай арга хэмжээ авч чадаагүй хэмээн ахмад Ли болон хоёр инженерийг баривчилсан. 476 зорчигчийн 70 гаруй хувь нь аялж явсан Ансан ахлах сургуулийн сурагчид байсан юм. Тухайн үед хүүхдүүдийг удирдаж 14 багш, Ансан сургуулийн захирал явсан аж. Сургуулийн захирал хүүхдүүдийг аварч чадаагүйнхээ хариуцлагыг нь өөрөө үүрнэ хэмээн амиа хорлосон талаар хэвлэлүүд мэдээлэв.