Өмнөд Солонгост осолдсон усан онгоцны ахмад, багийн гишүүдийг аврах ажиллагааг шуурхай зохион байгуулахад саад учруулсан гэдэг үндэслэлээр шийтгэхээр болоод байгаа. Тэгвэл багийн гишүүдийг зугтаж байхад 22 настай зорчигч Пак Жи Ён бүсгүй сурагчдад аврах хантааз тарааж байгаад өөрөө амь үрэгдсэн талаар гэрчүүд ярьжээ. Пак бүсгүй хантаазаа тарааж дуусаад өөрөө дээд давхарт гарч, аврагдахаар тэмцсэн байна. Тэрээр бусад хүмүүст тараагаад өөрөө аврах хантаазгүй хоцорсон гэнэ. Пак бүсгүйн цогцсыг өнөөдөр гаргаж авсан бөгөөд ар гэрийнхэн нь Инчеон хотноо оршуулах ёслол үйлджээ. Оршуулах ёслолд толгойдоо гэмтэл авсан нэгэн залуу эр оролцож байна. Энэ залуу онгоц хөмрөгдөхөд толгойгоороо юм мөргөсөн бөгөөд тэр үед түүний цусыг тогтоох гэж нэгэн бүсгүй алчуураа өгч, ус руу ороход тусалсан нь талийгаач Пак юм. Пак бүсгүйн эмээ Жун Жэ Во “Охиныхоо тусч чанарыг үүрд дурсан санах болно” хэмээн дурсан ярьж байна.