Украины зүүн мужид нэг улс төрч, хоёр энгийн хүн хэрцгийгээр алагдсаны дараа Оросын эсрэг цэргийн ажиллагаагаа шинээр эхлүүлнэ хэмээн тус улсын ерөнхийлөгчийн үүргийг түр орлон гүйцэтгэгч Александр Турчинов мэдэгджээ. Оросын босогчдод эзлэгдээд байсан Словянск хотын ойролцоо орон нутгийн улс төрч Владимир Рыбакын цогцос олдсоны дараа ийнхүү хатуу мэдэгдэл хийсэн байна. Тэрээр Украины иргэдийг хамгаалах терроризмын эсрэг ажиллагааг үргэлжлүүлнэ гэдгээ мөн мэдэгдсэн юм. Владимир Рыбак нь орон нутгийн “Эх орон” намаас сонгогдсон төлөөлөгч байсан бөгөөд түүнийг гэмт этгээдүүд хулгайлан авч явсанаас хойш тун удалгүй цогцсыг нь голоос олсон юм. Энэхүү халдлагыг Оросуудын захиалгаар санаатай үйлдсэн хэмээн Александр Турчинов үзэж байна.