Ирэх зургадугаар сард Бразиль улсад зохион байгуулагдах дэлхийн аварга шалгаруулах тэмцээнд улс орон бүр багаа ялуулахын төлөө тэмцэж байна. Хятадын Жэжян мужийн Иу хотод 1,020 ширхэг хуурамч дэлхийн аваргын цом үйлдвэрлэж байсан нь илэрч, гаалийн ажилтнууд хураан авлаа. Ингэснээр Хятадын иргэд өөрсдөө хүсвэл уг цомыг худалдан авч дэлхийн аварга болж болох нь ээ. Жинхэнээс ялгахын аргагүй эдгээр хуурамч цомуудыг Ливи улс руу экспортолсон байжээ. БНХАУ-ын гаалийн ерөнхий газар өнгөрсөн дөрөвдүгээр сард дэлхийн хөлбөмбөгийн аваргын тэмцээнтэй холбоотой зохиогчийн эрхийн зөрчлийг таслан зогсоох компанит ажлыг өрнүүлж эхэлсэн юм. Бразильчууд хөлбөмбөгийн аваргын бэлэг дурсгалын зүйлсийг худалдаалж, орлого олохоор зүтгэж байх хооронд Хятадууд аль хэдийнэ хуурамч бүтээгдэхүүнээ үйлдвэрлэж зарах болжээ.
