АНУ-ын Пеннсильвани мужийн иргэн Мэри Бет Уэбб гэдэг бүсгүй өөрийнхөө өвөг дээдсийг бүгдийг нь мэддэг хэмээн зарлажээ. Мэри өөрийгөө Есүс Христийг төрүүлсэн онгон Мария эхийн авга ах Жозеф Бен Мэттат Аримафеин 64 дэхь удмын хүн гэдгээ мэддэг байна. 2010 оноос эхлэн өвөг дээдсээ хардаг болсон Мария гэгээнтэн Аримафеитэй харилцаж чаддаг гэнэ. Тэр ч бүү хэл өөрийгөө нас барсан хүмүүстэй ярилцаж чаддаг хэмээн зарласан байна. 1999 онд төрсөн ахаа хорт хавдраар алдсанаас хойш түүнтэй бас нас барсан эцэг эхтэйгээ ч ярилцах болжээ. Мэри нас барсан ахтайгаа диваажин ямар байдаг, нас барсаны дараа юу болдог зэрэг олон зүйлсийн талаар ярилцсан гэнэ. Тэгэхэд ах нь маш сайхан цэцэрлэгт хүрээлэнтэй, үлгэрийн гэмээр газар очсон хэмээн хариулсан байна. Мэри энэ түүхээсээ сэдэвлэн ном бичжээ. Тэрээр энэ тухайгаа “Би ном зарж их мөнгө олох гэсэн хэрэг биш ээ. Зүгээр л хайртай нэгнээ алдсан хүмүүст туслах гэсэн юм” хэмээн ярьж байна. Энэ ажлынхаа хүрээнд Мэри “Ancestry.com” сайт ажиллуулж, хүмүүсийн сонирхсон асуултанд хариулт өгөх болсон юм. Түүний ярианд итгэсэн хүмүүс энэ сайтад холбогддог байна.