Украины Донецк хотод Засгийн газрыг дэмжигчид болон Оросын салан тусгаарлагчид хоорондоо зодолдож, буу зэвсэг хэрэглэн, тэсрэх бөмбөг дэлбэлжээ. Энэхүү мөргөлдөөний уршгаар 14 хүн шархдаж, эмнэлгийн яаралтай тусламж авсан байна. Жагсагчид гранат, салют, бэйсболлын цохиур зэргийг ашиглан хоорондоо тэмцэлдэхэд цагдаа нар үймээнийг зогсоож дийлэхээ больжээ. Нео-нацист бүлэглэлийн 1000 орчим танхай этгээдүүд уг жагсаалд нэгдсэн нь мөргөлдөөн даамжрахад нөлөөлсөн хэмээн хэвлэлүүд мэдээлж байна. Анхандаа Украинаас салан тусгаарлахыг хүссэн Донецк хотын 200 орчим суугчийн эхлүүлсэн жагсаал мөргөлдөөн болсонд тэднийг буруутгаж байгаа ажээ. Женев хотноо болсон Украины дөрвөн талт хэлэлцээрээр хүчирхийллийг даамжруулахгүй байхаар тохиролцсон ч ийнхүү мөргөлдөөн гарсаар байна. Оросын тал Украиныг хэт даврагч бүлэглэлүүдээ хянаж чадахгүй байна хэмээн буруутгаж байсан удаатай.