Нигерийн Чибок, Борно мужуудаас хоёр долоо хоногийн өмнө лалын шашинт бүлэглэлүүд 273 охиныг сургууль дээрээс нь хулгайлан авч явсан хэрэг гарсан билээ. Гэмт этгээдүүд эдгээр охидын заримыг хөрш зэргэлдээ Чад, Камерун улс руу авч явж, цэргүүдтэй хүчээр гэрлүүлсэн болохыг гэрчүүд нотолж байна. Хулгайлагдсан охидын 43 нь зугтаж, гэртээ иргэн ирсэн бол үлдсэн 230 нь зэвсэгт этгээдүүдэд олзлогдсон юм. Тэд төгсөлтийн шалгалтандаа бэлтгэж байсан 16-18 насны хүүхдүүд байжээ. Нигерь улсад охидыг дундад зууны үеийн хэлбэрээр боолчлох хэрэг тасардаггүй. Өнгөрсөн 2013 онд Боко Харам бүлэглэлийнхэн хулгайлж авсан охидоороо боолын хөдөлмөр эрхлүүлж буй бичлэгээ нийтэд дэлгэж, нийгмийг цочроож байв. Нигерийн Засгийн газар, аюулаас хамгаалах алба охидыг олж авахын төлөө хангалттай зүйл хийхгүй байгааг хүний эрхийг хамгаалагчид шүүмжилсээр байна. Нигерийн хойд мужуудад хүчээ аваад буй Боко Харам бүлэглэлийн гарт зөвхөн энэ онд гэхэд 1500 хүн амиа алджээ.
