Сирийн Хомс хотод болсон дэлбэрэлтийн уршгаар 37 хүн амиа алдаж, хэдэн арван хүн шархадсан байна. Үүнээс өмнө Дамаск хотын төвд орших техникийн хүрээлэн халдлагад өртөж, 14 хүн амиа алдан 80 гаруй хүн шархадсан юм. Энэхүү халдлагууд нь Башар Ассад гурван жил гаруй үргэлжилсэн иргэний дайныг үл харгалзан ерөнхийлөгчийн сонгуульд өрсөлдөхөөр нэрээ дэвшүүлснээс хойш нэг өдрийн дараа болжээ. Одоо Сирийн Засгийн газрын хяналтанд байгаа Хомс хотын зүүн хэсэгт орших Захра дүүрэгт зөрчил газар авч, олон хүн амиа алдсаар байна. Сирийн Алеппо болон зөрчил өрнөж буй бусад газруудад торхтой тэсрэг бөмбөг, хлорын хийг ашиглан энгийн иргэдийг хөнөөж байгааг олон улсын байгууллагууд хүчтэй шүүмжилдэг. Сирийн химийн зэвсгийг хориглох байгууллага хлорын хийгээр дайралт хийсэн эсэхийг нягтлан шалгаж эхэлжээ.
