Сэтгэлийн шархтай үлдсэн Тайвань эр 19 настай охинтой нь гэрлүүлээгүйн төлөө ээжийг нь шүүхэд өгчээ. Өдгөө 32 настай тэрээр 11 жилийн өмнө дунд сургуулийн багш байхдаа 8 настай сурагчдаа ухаангүй дурласан бөгөөд охиныгоо насанд хүрсэний дараа өөртэй нь заавал гэрлүүлнэ гэсэн амлалтыг ээжээс нь авч байжээ. Энэ амлалт өгсөнийхөө хариуд ээж нь багш залуугаас 11 жилийн хугацаанд 30 мянган ам.доллар буюу 900 мянган Тайвань долларын санхүүгийн дэмжлэг авч байсан гэнэ. Түүгээр ч барахгүй охины сургалтын төлбөрийг бүрэн төлж, амьжиргааны зардлыг нь дааж, өр зээлээс нь салгажээ. Харин одоо ээж хэлсэн үгэндээ хүрээгүйн улмаас шүүхэд дуудагдаад байна. 2011 онд ирээдүйн эхнэр нь гэж бодож явсан өнөөх охин огт өөр хүнтэй гэрлэж, хүүхэдтэй болсоныг мэдээд багш залуу сэтгэлийн хямралд оржээ. Ээж, охин хоёр түүнээс энэ бүхнээ нууж мөнгө авч байсан гэнэ. Ингээд шүүхэд хандсан ч түүнийг ёс суртахуунгүй үйлдэл гаргасан хэмээн авч хэлэлцээгүй байна. Гэвч охины ээжид гомдолтой байгаагаа дахин мэдэгдэж, нотлох баримтуудыг хүргүүлсэн юм. Тэрээр өөрийгөө яагаад бага насны хүүхдэд дурлаж болдоггүй юм хэмээн өмөөрч байна. Тайванийн интернэт хэрэглэгчид түүнийг ээжээс нь мөнгөө буцаан авах эрхтэй хэмээн дэмжиж байгаа ажээ.