Хүний арьснаас эр бэлгийн эс гаргах туршилтыг анх удаа хийснээр үр хүүхэдтэй болж чадахгүй байгаа эрчүүдэд боломж олгох шинжлэх ухааны том нээлт хийгдэх үүд нээгдлээ. Их Британийн эрдэмтэд үргүй эрчүүд лабораторит ургуулсан эр бэлгийн ачаар үр удмаа үлдээх боломжтой гэж үзэж байна. Эрдэмтэд арьснаас авсан дээжийг генетик инженерчлэлийн аргаар хувиргаж, биеийн бүх эдийг бий болгодог үр хөврөлийн тулгуур эсийг гаргаж авахаар туршжээ. Арьснаас авсан дээжээ хулганад шилжүүлэн суулгаад байгаа бөгөөд эр бэлгийн эс болгон боловсруулах туршилт эхний шатандаа явж байгаа гэнэ. Үргүйдлийн зөвхөн 10 хувь нь хосуудаас өөрсдөөс нь шалтгаалдаг байна. Харин үлдсэн 90 хувь нь эрчүүдийн генетикээс үүдэлтэй үргүйдлийн гажигтай холбоотой гэнэ.
Y хромосомын гажгаас болоод эр бэлгийн эс дутуу боловсрох тохиолдол элбэг байдаг бөгөөд Стэнфордын их сургуулийн эрдэмтэд ийм эмгэгтэй гурван эрийг туршилтанд хамруулжээ. Тэдний эдийн дээжийг хулганад суурилуулахад амжилттай боловсруулагдсан аж.
