Украины Одесса хотод үймээний үеэр баривчлагдаад байсан 67 хүнийг цагдаа нар суллажээ. Цагдаагийн төв байрыг Оросын салан тусгаарлагчид бүсэлж, хаалга, цонхыг нь эвдэлсний дараа тэднийг ийнхүү сулласан байна. Өнгөрсөн Баасан гаригт Одесса хотын төр захиргааны байрыг босогчид хоорондоо мөргөлдсөний улмаас галдан шатааж, 38 хүн амь насаа алдсан юм. Тайван замаар эхэлсэн жагсаал эцэстээ хүчирхийлэл болж, зэвсэг, тэсрэх бөмбөг ашиглан цонх, хаалгаа эвдэлж эхэлжээ. Украины цэргүүд одоо баруун, зүүн мужид бослого хөдөлгөөн өрнүүлж, төр захиргааны байруудыг эзлээд байгаа Оросын салан тусгаарлагчдын эсрэг ажиллагааг явуулж байна. Цэргүүд Оросын босогчдын хяналтаа тогтоогоод байсан Словянск хотын төвийг бүслэн хаажээ. Энэ хооронд Орос, Германы эрх баригчид утсаар ярилцаж, хямралыг тайван шийдэх арга замын талаар хэлэлцсэн байна.
Сэтгэгдэл (7)