Дэлхийн банкны шинжээчид Хятад 2020 он гэхэд Америкаас түрүүлж, дэлхийн хамгийн том эдийн засагтай улс болно гэж үзэж байна. Хятадын юанийн гадаад валюттай харьцах ханш харьцангуй тогтворжиж, худалдан авах чадвар нь өсч байгааг тооцоогоор гаргажээ. 2011 онд Хятадын үйлдвэрлэл Америкийн нийт эдийн засгийн 87 хувьд хүрсэн нь өмнөхөөсөө 15 хувиар өссөн үзүүлэлт юм. Эдийн засгийн өсөлтөө тогтвортой хадгалж байгаа Хятад улс удахгүй дэлхийд тэргүүлэгч болох гэнэ. Олон улсын валютын сангаас энэ онд Хятадын эдийн засгийн өсөлт 7,5 хувьд хүрч, Америкаас 2,8 хувиар илүү байх дүр зураг харагдаж байгааг онцолсон байна. 1,3 тэрбум хүн амтай Хятад улс дэлхийд үйлдвэрлэлээ тэргүүлэгчдийн эгнээнд явдаг ч нэг хүнд ногдох орлогынхоо тоогоор эхний 100 оронд арайхийж багтдаг юм.