“Хятадууд Вьетнамын газар нутгаас савраа тат” гэдэг сүржин уриа барьсан хүмүүс Вьетнамын гудамжаар жагсаж байна. Өмнөд Хятадын тэнгисийг булаалддаг Вьетнам, Хятадын газар нутгийн маргаан хурцдаж, олон нийт бухимдаж байгаа нь энэ ажээ.

    Өмнөд Хятадын тэнгис дэхь усан онгоцонд нь халдсан хэмээн Вьетнамчууд Хятадыг буруутгаж байна. Энэхүү халдлагын улмаас Вьетнамын хоёр хөлөг онгоц эвдэрсэн хэмээн тус улсын гадаад хэргийн яамнаас мэдэгджээ. Мөн Вьетнамын тэнгисийн хүчнийхнийг сүрдүүлж, усан буу ашигласны улмаас зургаан хүн шархадсан байна. Хятадын газрын тосны CNOOC гэдэг улсын өмчит компани Өмнөд Хятадын тэнгисийн усан доогуур малтлага явуулдаг гэнэ. Азийн орнуудад газар нутгийн маргаан дэгдээдэг Өмнөд Хятадын тэнгист ийнхүү хайгуул явуулж байгаа нь бүс нутгийн тогтвортой байдалд шууд нөлөөлөх болжээ. Филиппиний Засгийн газар Өмнөд Хятадын тэнгист нэн ховордсон далайн яст мэлхийг агнаж байсан Хятадын завийг эзлэн авч, шаардлагаа тулгасан юм. Үүний дараахан Вьетнам, Хятадууд ийнхүү зөрчилдөж эхэллээ.