Японы уран бүтээлч Аяано Цукими төрөлх тосгондоо эргэн ирсэн ч хүүхэд насных нь сайхан дурсамжууд үгүй болж, бүх зүйл нь өөрчлөгдсөн байжээ. Тосгоны оршин суугчид ч цөөрсөн тул Аяано бүх зүйлийг хэвэнд нь оруулахын тулд хүүхэлдэй урлах болжээ. 64 настай энэ эмэгтэйн урласан хүүхэлдэйнүүд тосгоны гудамжин дахь сандал дээр сууж, тариалангийн талбай дээр ажиллаж, сургууль дээр хичээл заалгана.
Аяано тосгоны 10 гаруй жилийн өмнөх амьдралыг хэвэнд нь оруулж, 350 гаруй хүүхэлдэйгээр өмнөх иргэдийг төлөөлүүлэхийг хүссэн нь энэ юм. Шикоку арлын Нагоро тосгонд өмнө нь нэгэн том компани үйл ажиллагаа явуулж, олон зуун хүн амьдардаг байжээ. Гэвч тосгоны иргэд том хот руу шилжин суурьшсанаар өнөөдөр Нагоро 37 хүн амтай 350 гаруй хүүхэлдэйтэй уйтгартай тосгон болон хувирсан байна.
Сэтгэгдэл (3)