Баянзүрх дүүргийн хоёрдугаар хорооны нутаг дэвсгэрт байрлах “Гэрэлт-Ирээдүй” гэх Христийн сүмд үе мөч, гэмтлийн нөхөн сэргээх үзлэг хийж байгаа тухай мэдээлэл Баянзүрх дүүрэг дэх  Мэргэжлийн хяналтын хэлтэст энэ сарын 6-нд иржээ.

Мэдээллийн мөрөөр Эмнэлэг, тусламж, үйлчилгээний чанар аюулгүй байдлын хяналтын улсын байцаагч О.Ёндонцоо, н.Төгсмаа нар очиж шалгахад, Монголын тав, гадны хоёр эмч сүмд олон зуун хүнийг цуглуулж, зориулалтын бус газар үзлэг, эмчилгээ хийж байсан аж. Гэхдээ үнэ төлбөргүйгээр эмчилгээ хийж байжээ.

 Шалгалтаар АНУ-ын ир­гэн, хүний их эмч мэргэжилтэй гэх DR. Hanson, P.Wong нарын хоёр, Монгол Улсын иргэн таван  их эмч нар хамтран  иргэдийн биеийн үений холбоосонд та­рил­гын холимог хийж байсан. Тод­руул­бал, глюкоз 20 хувь, ли­до­каин хоёр хувь, витамин В12-ыг хооронд нь хольж, шингэн та­рил­га бэлтгэснээрээ иргэдэд та­рьж,  үйлчилж байсан байна. Иргэдэд үйлч­лэх­дээ найруулсан тарилгын уус­ма­лыг тариурт урьдчилан хийж бэлтгэсэн 500 хүн/тун/, эм­нэл­гийн тусгай хог хаягдлыг заав­рын дагуу цуглуулаагүй, шал, ши­рээ зэрэгт цус дуссан, өвчтөнд хэ­рэг­лэ­сэн бохир зүү тариур, хэ­рэг­лэ­хээр бэлтгэсэн тарилгын уус­мал­тай тариурыг нэг ширээнд зэ­рэг­цүүлэн байрлуулсан, гар угаах нөхцлөөр хангагдаагүй бай­сан аж.

Үүнээс гадна  нэг өрөөнд 6-8 хүнд нэгэн зэрэг асептик, ан­ти­септик баримтлахгүйгээр өв­дөг­ний үе, хүзүү, сээр, нурууны үений холбоосонд олон удаа хат­галт хийж тарилгын уусмал ша­хаж байгаа нь халдвар хам­гаал­лын дэглэмийг ноцтой зөрчсөн байжээ. 

Тиймээс тэдэнд МХЕГ-аас 1.5 сая төгрөгийн тор­гууль тавьж, эм, тариаг нь ху­рааж, устгалд оруулж, улсын ор­лого болгосон байна.