Баянзүрх дүүргийн 8 дугаар хороо, УС-15-ын задгайд айлын хашаанд 4 гэр, 3 байшин борооны ус орлоо гэсэн дуудлагыг 12:40 цагт өгснөөр дуудлагын дагуу дүүргийн Онцгой байдлын хэлтсээс 12 алба  хаагч хүрэлцэн очиход 4 гэр, 3 байшин усанд автсан байсныг 3 мотопомпоор  усыг бүрэн соруулж ажилласан.

Баянзүрх дүүргийн 21 дүгээр хороо, Сэлбийн 35 дугаар гудамжинд байшинд шар усны үер орлоо гэсэн дуудлагыг 16:16 цагт өгснөөр дүүргийн Онцгой байдлын хэлтсээс 8 албан хаагч очиход  4х6 метрийн хэмжээтэй байшинд ус орсон байсныг шороо асгаж усны урсгалыг хааж мотопомпоор усыг соруулж ажилласан.

Баянзүрх дүүргийн 27 дугаар хороо, Сэлбийн 16 дугаар гудамжинд байшинд шар усны үер орлоо гэсэн дуудлагыг 20:32 цагт өгснөөр дүүргийн Онцгой байдлын хэлтсээс 7 албан хаагч очиход 8х7 метрийн хэмжээтэй байшинд ус орсон байсныг шороо асгаж усны урсгалыг хааж мотопомпоор усыг соруулж ажиллалаа.