Хятадын Сычуань мужийн Ибинь хотод 51 настай амиа золиослогч эр автобусанд гал тавьж халдлага үйлдсэнээс 77 хүн эмнэлэгт хүргэгджээ. Хохирогчдын 12-ынх нь биеийн байдал хүнд байна. Уг халдлагыг үйлдсэн этгээд ямар учраас амиа золиослох болсоныг хараахан илрүүлээгүй байгаа ажээ. Хятадад сүүлийн саруудад хувийн өс хонзонгоос болоод автобусанд гал тавих явдал ихэссэн гэнэ. Тухайлбал, 2013 онд Сямынь хотод автобус дэлбэлж, 40 гаруй хүний аминд хүрсэн хэрэг гарсан юм.