Цөмийн хөтөлбөртэй холбоотойгоор эдийн засгийн хориг арга хэмжээ авсан нь гадаадаас тансаг бараа худалдаж авдаг элит бүлэгт хамаатай болохоос жирийн иргэдийн амьдралд ноцтой нөлөөлсөнгүй. Гэрэл цахилгаан тасдах нь нийтлэг бөгөөд цөөн хэдэн байрыг нийтийн халаалтаар хангадаг. Өвлийн хүйтэн улиралд халуун ус өгөх нь тун ховор тул оршин суугчид нь зузаан куртктай амьдардаг байна. Хотын 10 айлын 6 нь нүүрсээр гал түлж хоолоо хийдэг бол 10 айл тутмын 3 нь зуухаар галладаг ажээ. Хүн амын гуравны хоёр нь өдөр тутмын хоолоо олох гэж амьдарч байгаагаас 2,4 сая нь хүүхэд, өндөр настан, жирэмсэн эмэгтэйчүүд юм. Хойд Солонгосчууд гадаадын иргэдтэй ярилцах эрхгүй тул харц тулгарахаас хүртэл айдаг. Бүх иргэдэд эрүүл мэндийн даатгалаар үнэгүй үйлчилдэг боловч эм, эмнэлгийн хүртээмж муу. Мөн зүү, тариурыг дахин хэрэглэдэг.
Хойд Солонгосын таваас доош настай хүүхдүүдийн гуравны нэг нь тураалтай, хөдөлмөрийн насны эмэгтэйчүүдийн дөрөвний нэг нь хоол тэжээлийн дутагдалд орсон гэсэн судалгааг НҮБ-аас гаргасан байдаг.
Эх сурвалж: Аль Жазера
Сэтгэгдэл (3)