АНУ-ын Калифорни мужаас 10 жилийн өмнө сураггүй алга болсон эмэгтэйг олжээ. Нэрээ нууцлахыг хүссэн 25 настай бүсгүйг гаж донтон этгээд олзлон авч, 10 жилийн турш хорионд байлган хүүхэдтэй болгосон ажээ. Бүсгүйг хулгайлж, олон жил хүчирхийлж байсан хэрэгт 41 настай Исидро Гарсиа гэгч этгээдийг сэжиглэн баривчилсан байна. Цагдаа нарын мэдээлж буйгаар гэмт этгээд нь 2004 онд охины ээжтэй болзож байсан гэнэ. Ингээд хоёр сарын дараа ээжийг нь зодож, охинд нь мансууруулах бодис тарьж ухаан алдуулаад машинтайгаа зугтжээ. Гарсиа охиныг гараашинд хорин байнга зодож дарамталж, зугтах боломж олгоогүй юм. Тэрээр хохирогчтой 2007 онд хүчээр гэрлэсэн байна. Энэ хэрэгт Гарсиатай хамт шөнийн цагаар цэвэрлэгээний ажил хийдэг байсан хоёр хүнийг холбогдуулан шалгаж эхэлжээ. Өнгөрсөн онд гурван бүсгүйг хорьж, олон жил хүчирхийлсэн Ариел Кастро хэмээх гаж донтонг 1000 жил хорих ялаар шийтгэсэн юм. Эрх чөлөөний орон гэгддэг АНУ-д иймэрхүү жигшүүрт хэрэг гарсаар байна.