Хятад, Малайзын хооронд дипломат харилцаа тогтоосны 40 жилийн ой энэ долоо хоногт тохиож байна. Үүнтэй холбогдуулан Хятадын эрх баригчид хоёр хулсны баавгайг Малайзын Үндэсний амьтны хүрээлэнд түрээслэхээр болжээ. Энэ нь хоёр улсын харилцаанд сайнаар нөлөөлөх гэсэн оролдлого гэж ажиглагчид үзэж байна. Өнгөрсөн онд Испанид мэндэлсэн Дэдэ, Абу гэдэг нэртэй хоёр хулсны баавгайг Хятадууд өөрийн өмч гэж үзэж байв. Учир нь эдгээр хулсны баавгайнуудын эхийг нь Хятад улсаас түр түрээслэж авсан юм. Гэхдээ эх хулсны баавгайнаас ямар нэг үр төл гарвал хоёр нас хүрснийх нь дараа Хятад улсад буцаана гэдэг гэрээ байгуулсан ажээ.