НҮБ-ын Аюулгүйн Зөвлөл Нигерийн Боко Харам бүлэглэлийн эсрэг хориг арга хэмжээ авчээ. Энэхүү шийдвэрийн дагуу Боко Харамын зэвсэг ашиглах явдалд саад хийж, бусад улсад аялах, дансаар гүйлгээ хийхийг нь бүрэн хориглосон байна. Аюулгүйн Зөвлөлөөс хэрэгжүүлж буй арга хэмжээ нь зэрлэг авирлагсдын эсрэг дэлхий нийтээр тэмцэж болдогийг харуулах зорилготой гэнэ. Африкийн хамгийн олон хүн амтай Нигерь улс лалын шашинт тусгаар улс байгуулахын төлөөх Боко Харамын харгислалыг таслан зогсоож чадахгүй байгаа билээ. Энэ мягмар гаригт Жос хотод 118 хүн дэлбэрэлтэд өртөж, амиа алдсаны маргааш нь дахиад 27 хүн алагдсан юм. Энэ он гарсаар 1000 гаруй иргэнийг хөнөөгөөд буй Боко Харамынхан хулгайлж авч явсан 16-18 насны 230 гаруй охиныг суллаагүй байна.