Шанхай хотноо болсон Азид хамтын ажиллагааг бэхжүүлэх гишүүн орнуудын бага хуралд БНХАУ-ын дарга Ши Жин Пиний хэлсэн үг олон улсын анхаарлыг татаж байна. Тэрээр “Азийн улс орнууд бүс нутаг дахь асуудлаа шийдэхэд бүгд хамтран оролцох хэрэгтэй. Энэ бол Азид нөлөөллөө тогтоох арга хайж буйж Америкчуудад хамаагүй. Цэргийн хамтын ажиллагаагаа бэхжүүлэх зорилготой гуравдагч этгээд бидний ашиг сонирхолд нийцэхгүй” гэжээ. Ши Жин Пин Азийн 20 гаруй орон цугларсан хуралдаан дээр үүнийг хариуцлагатай мэдэгдэв. Азийн орнуудад газар нутгийн маргаан өрнүүлдэг Өмнөд Хятадын тэнгисийн асуудалд АНУ хөндлөнгөөр оролцож байгааг Хятадын удирдагч ийнхүү шүүмжилсэн бололтой.