Нигерийн Батлан хамгаалах яамны эрх баригчид Боко Харам бүлэглэл хулгайлсан охидыг хаана нууж буйг мэдэж байгаа хэдий ч тэднийг аврахын тулд хүч хэрэглэх аргагүй болсон талаараа үндэсний хэвлэлд мэдээлжээ. “Нигерийн арми юу хийж байгааг хэн ч мэдэх эрхгүй. Бид охидыг аврах нэрийдлээр үхэл рүү түлхэх алхам хийж болохгүй биз дээ? Эцэг эхчүүдэд хандаж хэлэхэд охидын байршлыг мэдэж байгаа ч цэргийн нууц учир хэлэх боломж алга” гэж маршал Алех Бадех ярьсан байна. Боко Харамын 100 гаруй дайчдыг суллаж, оронд нь 50 охиныг эргүүлэн авчрах хэлэлцээрийг байгуулахаар шийдэлд хүрсэн хэдий ч охид одоо болтол гэртээ хариагүй байгаа ажээ. Нигерийн Засгийн газар охидын хувь заяанд төдийлөн анхаарахгүй байна хэмээн олон улс шүүмжилсэн. Тэдний байршлыг олохоор АНУ, Их Британи, Хятад, Франц улс шинжээчдийг багийг илгээчихээд байгаад Нигерийн арми ийм мэдэгдэл хийлээ. Тэгэхээр Боко Харамын дайчдаас охидыг аврахын тулд хэлэлцээр хийх хэрэгтэй гэсэн байр суурийг Нигерийн эрх баригчид баримталж байгаа бололтой. 
