Их Британи Берлиний хана нуран унаснаас хойш дайн байлдаанд 46 тэрбум доллар гарзадсан болохыг мэргэжлийн байгууллагууд тогтоожээ. Тус улс Афганистан, Иракт цэрэг илгээхдээ татвар төлөгчдийн ийм их мөнгийг үрэн таран хийсэн байна. 2003 онд Иракт өрнөсөн эзлэн түрэмгийллийн уршгаар 100 мянган орчим хүн амиа алдаж, 2 сая хүн дүрвэхэд Их Британи цэрэг илгээсэн юм. Афганистанд одоо 5000 Британи цэрэг бий. Харин АНУ 9,800 цэргээ тэнд үлдээхээр болжээ.
