Энэтхэгийн Утар Парадеш мужийн фермер Лал Бихари хамгийн олон удаа үхэж үзсэн хачирхалтай хүн юм. Түүнийг 1976-1994 он хүртэл нас барсанд тооцсон учир тэрээр 18 жилийн турш хөөцөлдж байж өөрийгөө амьд гэдгээ баталж чаджээ. 1976 он Лал Бихари банкнаас зээл авахаар очиход авга ах нь түүнийг нас барсан хэмээн бүртгүүлж, хувийн газрыг нь өөрийн болгосон байв. Тэрээр өөртэйгөө адилхан асуудалтай тулгарсан 100 гаруй хүн олж амьд хүнийг үхсэн болгож өмчийг нь дээрэмдэхийн эсрэг тэмцэх болжээ. Тэрээр өөрийнхөө оршуулгын ёслолыг зохион байгуулж, эхнэртээ бэлэвсний тэтгэмж авч өгөн олны анхаарлыг татсан юм. Одоо түүний үүсгэн байгуулсан холбоо 20 гаруй мянган гишүүнтэй болжээ. Тэрээр ийм ажил хийж явсаар 2004 онд мужийнхаа Лал Ганж хотын иргэдийн хурлын төлөөлөгчөөр сонгогджээ.
