Энэтхэгийн Уттар Парадеш мужид 14, 15 настай эгч дүү хоёрыг цагдаа нар бүлэглэн хүчиндэж, хоолойг нь багалзуурдаж хөнөөгөөд цогцсыг нь модонд өлгөсөн аймшигтай хэрэг гарчээ. Энэ аймшигт хэрэг 22 минутын дотор болж өнгөрсөн гэнэ. Уг модон дор тосгоны хэдэн зуун иргэд цугларч, ар гэрийнхэнд нь эмгэнэл илэрхийлсэн байна. Охидын эцгийн цагдаа нарт мэдүүлсэн гомдлыг хэрэгсэхгүй болгож, өөрсдийнхөө бузар үйлдлийг хамгаалахыг хичээж байна хэмээн тосгоны иргэд эсэргүүцжээ. Энэтхэгт хүчингийн хэрэг тогтмол гардаг ч ар гэрийнхэн нь нуун дарагдуулсанаар харгис этгээдүүдийг улам өөгшүүлдэг байна. 1,2 тэрбум хүн амтай Энэтхэгт хүчингийн хэрэгтнүүдийг цаазаар авах хуулийг өнгөрсөн онд батласан ч хэргийг таслан зогсоож чадсангүй.