Испанийн хаан ширээнд 40 жил заларсан Хуан Карлос суудлаасаа бууж, титмээ угсаа залгамлах хүүдээ шилжүүлэх болсноо зарласан юм. Испанийн парламент өнөөдөр уг асуудлаар хэлэлцжээ. Тус улсын үндсэн хуульд хаан ширээнээс татгалзсан тохиолдолд хэрхэхийг заагаагүй байдаг учир энэ талаар бодлого боловсруулахаар бүх нийтийн санал асуулга явуулах тухай яригдаж эхэлсэн байна. 44 жил хаан ширээнд заларсан Хуан Карлос нь Испанийн түүхэнд анх удаагаа эрх мэдлээ шилжүүлэн өгсөн хаан болжээ. Хаан ширээг залгамжлан авах 45 настай хунтайж Фелипегийн дүү охин болон түүний нөхөр хоёрын авилгалын хэрэг дэлхий даяар шуугиан тарьж байсан юм.