Пакистаны хамгийн нөлөө бүхий “Муттахида Кауми хөдөлгөөн” намын дарга Алтаф Хуссеныг мөнгө угаасан хэргээр сэжиглэж байна. Өчигдөр 60 настай намын даргыг Лондон хотын баруун хойд хэсэгт орших гэртээ байхад нь баривчилжээ.  1991 оноос хойш Их Британид амьдарч буй Хуссейн Пакистанд буцаж очвол амьдрал нь тун хэцүү болох юм. Тиймээс Британи, Пакистаны эрх баригчид Хуссейныг баривчилвал Карачид хүчирхийлэл авчирсан эсэргүүцэл өрнөнө хэмээн эмээж байжээ. Харин түүнийг баривчилсаны дараа Карачи хотод зарим үйлчилгээний төвүүд хаагдаж, дэмжигчид нь гудамжинд гал нээсэн гэсэн мэдээлэл байна. Карачи хотыг хяналтандаа авсан түүний намын удирдлагууд ийм хүч хэрэглэсэн үйлдлээ зогсоож, тайван байхыг иргэдээс шаардав. Эрх баригчид Хуссеыйныг их хэмжээний мөнгө угааж, цаагуураа хүчирхийллийг өдөөн хатгадаг гэж дүгнэжээ.