Украины хямралтай холбоотойгоор Барууны орнууд Оросын эсрэг хориг арга хэмжээ дараалан авч хэрэгжүүлж буй энэ үед Владимир Путин Хойд Солонгостой нягт хамтран ажиллахаар төлөвлөж байна. Европын холбоо, АНУ Оросын эсрэг нэгдэж байгаа учир В.Путин Сибирь, Алс Дорнод дахь бүс нутгаар дамжуулан Азийн орнуудад байгалийн хий экспортоо нэмэгдүүлсэн юм. Мөн аюулгүй байдлаа баталгаажуулахын тулд Хойд Солонгостой харилцаагаа сайжруулахаар хичээж буй талаар хэвлэлүүд мэдээлэв. Барууныхан Хойд Солонгосын цөмийн хөтөлбөрийг хязгаарлахыг чармайдаг болохоор В.Путин тэдэнтэй хамтран ажиллаж "хариугаа авч" байгаа бололтой. Нөгөө талаар Хойд Солонгостой дотно харилцдаг Хятадын нөлөөллийг саармагжуулах алхам гэж ажиглагчид үзэж байна.