Афина Орчард хэмээх 13 настай Анли охин ясны хорт хавдраар өвчилж, олон сарын турш эмчилгээ хийлгэж байгаад нас баржээ. Охиныг нас барсанаас хойш нэг долоо хоногийн дараа гэрийнхэн нь толиныхоо ард нуусан байсан 3000 үгтэй тэмдэглэлийг олсон байна. Тэрээр энэхүү тэмдэглэлийг аав, ээж, дүү нартаа зориулан үлдээжээ. Афина өвчинтэйгөө хэрхэн тэмцэж байсан тухайгаа тэмлэглэлдээ дурджээ. Тэрээр амьдралаас авч болох бүхий л сайхан зүйлсийг мэдрүүлсэн ээж, аавдаа талархаж буйгаа илэрхийлсэн байна. “Аз жаргал зөвхөн биднээс шалтгаалдаг. Энэ бүхэн аз жаргалгүй төгсөж магадгүй ч түүх болон үлдэнэ шүү дээ. Үнэн хэрэгтээ энгийн болон эгэл бусаар амьдрахын хооронд ямар ч онцын ялгаа байхгүй юм шиг ээ. Аз жаргал гэдэг бол бидний эцсийн зорилго биш. Өөрийнхөө оршин байгаад л талархах хэрэгтэй” хэмээн Афина бичсэн юм. Мөн “Хайр гэдэг бол хайртай гэж хэлэх биш юм. Хайртай гэдгийгээ батлах хэрэгтэй. Амьдрал гэдэг тоглоомоор хүн бүр тоглодог ч хайр бол хамгийн том шагнал. Би та нарыгаа сэтгэл зүрхээрээ үргэлж хажууд минь байхыг мэддэг болохоор уйлах хэрэггүй шүү” гэж бичсэн юм.