Өнгөрсөн дөрөвдүгээр сард эхэлсэн Йемений армийн компанит ажлын хүрээнд Аль-Кайда бүлэглэлийн 500 гаруй дайчныг хороожээ. Йемений Шабва, Абяан мужуудад энгийн иргэдийн амийг хороож, Засгийн газрын барилга байгууламжуудыг сүйтгэдэг террорист бүлэглэлтэй тэмцэх ажил өрнөж байна. Террористууд армийн цэргүүдээс нуугдаж, цөл болон уулархаг газар руу зугтаж байгаа ажээ. 2012 онд олон сар үргэлжилсэн тэмцлийн дараагаар ерөнхийлөгч Али Абдулла Салехыг огцруулсанаас хойш Йемен улсын шинэ Засгийн газар улс орноо тогтвортой болгох том сорилттой тулгарсан юм. Аль-Кайдагийн заналхийллийн хажуугаар Шийт омгийн цэргүүд хойд мужуудад хяналтаа тогтоохыг оролдож, өмнөд мужуудад салан тусгаарлахын төлөө тэмцэл өрнөж байсан билээ.