Хятадад жижиг хөлтэй эмэгтэйчүүдийг гоо үзэсгэлэнтэй гэж үздэг уламжлал 10-р зуунаас өвлөгдөж иржээ. Тиймээс охидын хөлийг даавуугаар чанга ороодог байв. Ингээд ясных нь өсөлт зогсож, лянхау цэцэг шиг хөлтэй болсон гэж үздэг байжээ.
Энэ харгис уламжлалыг 20-р зууны эхээр хориглосон юм. Гэхдээ 1930-аад он хүртэл уг харгис аргыг эмэгтэйчүүдэд нууцаар хэрэглэж байжээ. Лянхуа хөлний сүүлчийн хохирогч Жао настанг та харж байна.
Хөлөө чанга боолгуулсан эмэгтэйчүүдийн дийлэнх нь хөгжлийн бэрхшээлтэй болдог байсан ажээ. Өнөөдөр судлаачид харгис уламжлалын хохирогч болсон сүүлчийн эмэгтэйчүүдийн зургийг авч, музейд хадгалах ажлыг өрнүүлж эхэлжээ. Тэд хойч үеийнхэндээ түүхийн үнэнийг сануулах гэж хичээж байна.