Малайзын Засгийн газар сураггүй алга болсон онгоцны эрэл хайгуулд 27,6 сая ринггит буюу 8,6 сая доллар зарцуулсан гэж  Иргэний нисэхийн ерөнхий газрын дарга Азхаруддин Абудал Рахман мэдээлэв. Хайгуулын ажил цаашид үргэлжлэх учир зардал улам өсч, хэдэн зуун сая доллараар хэмжигдэх төлөвтэй байна. Энэтхэгийн далайг самнаж дуусаад ямар ч үр дүн гараагүй ч гэсэн хиймэл дагуулын зураг, бусад мэдээллийг санг судалж, шинэ талбайд хайна хэмээн Малайз, Хятадын эрх баригчид мэдэгдлээ. Хятадын хөлөг онгоцны судалсанаар хайгуулын талбайг 60 мянган км квадрат талбайгаар сунгаж, эрлээ наймдугаар сарын дундуур эхлүүлэх төлөвтэй байна. Үүнд 55 сая ам.доллар зарцуулах ажээ.