Хятад Вьетнамтай газар нутгийн маргаан өрнүүлдэг аралд сургууль барина
Хятадын эрх баригчид Тайван, Вьетнамтай газар нутгийн маргаан өрнүүлдэг Парасель арал дээр сургууль барина гэж мэдэгджээ. Хятадуудын Юнсин гэж нэрлэдэг уг жижиг арал дээр 40 гаруй хүүхдийн сургууль байгуулж, барилгын ажилчид, цэргүүдийн хүүхдүүдийг сургах юм. Өмнөд Хятадын тэнгисийг Хятадын эрх баригчид өөрсдийн газар нутаг гэж үзэн, газрын тосны цооног гаргаж авахаар өрөмдлөгө явуулсан нь Вьетнамчуудын дургүйцлийг төрүүлж, бослого хөдөлгөөн ширүүсэхэд нөлөөлсөн билээ. Гэсэн ч Юнсин арал дээр бүтээн байгуулалт сүүлийн хоёр жилийн турш өрнөж, нисэх онгоцны буудал, эмнэлэг, номын сан байгуулж, харилцаа холбооны хэрэгслээр тоногложээ. Энэ сарын эхээр НҮБ-аас Хятад, Вьетнамын газар нутгийн маргааныг шийдвэрлэхэд зуучлана гэдгээ амласан байна. Өмнөд Хятадын тэнгисийг Хятад улс 20-р зууны дунд үед өөрсдийн газрын зурагтаа багтаасан, 1000 гаруй жилийн турш эзэмшиж ирсэн гэж үздэг. Харин Вьетнам олон зуун жилийн турш Парасель арлыг хяналтандаа байлгасан гэж нотолдог ажээ.
Хятадын эрх баригчид Тайван, Вьетнамтай газар нутгийн маргаан өрнүүлдэг Парасель арал дээр сургууль барина гэж мэдэгджээ. Хятадуудын Юнсин гэж нэрлэдэг уг жижиг арал дээр 40 гаруй хүүхдийн сургууль байгуулж, барилгын ажилчид, цэргүүдийн хүүхдүүдийг сургах юм. Өмнөд Хятадын тэнгисийг Хятадын эрх баригчид өөрсдийн газар нутаг гэж үзэн, газрын тосны цооног гаргаж авахаар өрөмдлөгө явуулсан нь Вьетнамчуудын дургүйцлийг төрүүлж, бослого хөдөлгөөн ширүүсэхэд нөлөөлсөн билээ. Гэсэн ч Юнсин арал дээр бүтээн байгуулалт сүүлийн хоёр жилийн турш өрнөж, нисэх онгоцны буудал, эмнэлэг, номын сан байгуулж, харилцаа холбооны хэрэгслээр тоногложээ. Энэ сарын эхээр НҮБ-аас Хятад, Вьетнамын газар нутгийн маргааныг шийдвэрлэхэд зуучлана гэдгээ амласан байна. Өмнөд Хятадын тэнгисийг Хятад улс 20-р зууны дунд үед өөрсдийн газрын зурагтаа багтаасан, 1000 гаруй жилийн турш эзэмшиж ирсэн гэж үздэг. Харин Вьетнам олон зуун жилийн турш Парасель арлыг хяналтандаа байлгасан гэж нотолдог ажээ. 
