Индонезийн Оэнунто тосгоны иргэн Деби Нубатонис хэмээх жирэмсэн эмэгтэй өөрийгөө гүрвэл төрүүлсэн гэж нийтэд зарлажээ. Шинжлэх ухаанд байж боломгүй ийм явдал үнэхээр болсон эсэхийг шалгуулахаар Индонезийн эрүүл мэндийн албаны мэргэжилтнүүд шинэхэн ээжтэй уулзсан байна. Бүсгүйг жирэмсэн байхад хэвлийн хөндий нь хоосон учир хуурамч жирэмслэлт юмуу хүмүүсийг төөрөгдүүлэх гэж худал ярьж байна гэж үзжээ. Түүний хэвлийд ямар ч үр хөврөл бүрэлдэж харагдаагүй ч тосгоны иргэд найман сар хүртлээ жирэмсэн явсан гэж гэрчилсэн байна. Эмнэлэгт ирэхэд маш их цус алдаж, гүрвэл гарч ирсэн гэж мэдэгдэж байгаа. Гэхдээ хэвлийн хөндийгөөс нь юу ч гараагүй гэдэгт мэргэжилтнүүд итгэлтэй байгаа ажээ.