ОХУ төлбөрийн маргаантай асуудлаас болоод өчигдрөөс эхлэн Украинд байгалийн хий нийлүүлэхээ түр зогсоохоор болсон байна. Украин урьдчилгаа худалдан авалтад зээлсэн 1,95 тэрбум долларыг төлөөгүй учир ийм шийдвэр гаргасан юм. В.Путин газрын тосыг 1,000 метр куб тутамд нь 385 ам.доллларын ханшаар авахыг санал болгоход Украины тал татгалзсан. Украинчууд улс төрийн зөрчилтэй холбоотойгоор үнээ нэмсэн гэж үзсэн ч Оросууд үгүйсгэсэн. Талууд инйхүү бие биеийнийгээ буруутгаж, зөрчилдсөн хэвээр байна. Украины ерөнхийлөгч Петро Порошенко энэ долоо хоногоос эхлэн Оростой хил залгаа оршдог бүсүүдийг бүрэн хяналтандаа авахын тулд цэрэг илгээхээр болжээ. Тэрээр Оросууд танк, зэвсэг илгээсээр байгаад санаа зовниж, хилийн хамгаалалтаа зузаатгахаар төлөвлөж байна. Газрын тосныхоо нийт нөөцийн 50 хувийг Оросоос бүрдүүлдэг Украинчууд хомсдолд орох нь тодорхой болжээ. Украин Европын холбооны уулзалт товлогдох хүртэл 12 тэрбум куб метр байгалийн хий нөөцөлсөн ажээ.