Украины ерөнхийлөгч Петро Порошенко, Оросын ерөнхийлөгч Владимир Путин нар өчигдөр орой утсаар ярилцаж, гал зогсоох талаар ярилцжээ. Оросын телевизийн ажилтнууд Украины бөмбөгөнд өртөж амиа алдсаны дараа тэд ийнхүү асуудлыг нухацтай авч үзсэн ажээ. Хоёр орны удирдагчид бослого тэмцэл өрнөж буй Украины зүүн мужид гал зогсоох боломжтой эсэх талаар тал бүрээс нь авч хэлэлцсэн гэж Кремлийн эх сурвалж мэдээлэв. Путины хувьд терроризмын эсрэг ажиллагааны золиос болж буй энгийн хүмүүсийн төлөө санаа зовниж буйгаа илэрхийлсэн байна. Харин Порошенко Оросын телевизийн ажилтнууд амь үрэгдсэнд эмгэнэж буйгаа илэрхийлээд хэргийг мөрдөн шалгаж зохих эзэнд нь хариуцлага хүлээлгэнэ гэж амлажээ.