Баптист Дубанчет хэмээх 25 настай Франц залуу Европ тивээр 3000 км аялж, хог хаягдлаар хооллон амьдарч байна. Тэрээр ямар их хоол хүнсийг хий дэмий хаяж байгааг хүмүүст ойлгуулах чин хүсэлтэй юм. Хогийн савыг ухахад төмс, жимс, тараг, амттануудыг хаясан байдаг гэнэ. Дубанчет 10 хогийн сав ухахад хангалттай хооллодог хэмээн тайлбарлав. Хүмүүсийн тансаглал эдийн засагт олон тэрбум долларын гарз хохирол учруулж байна. Гэтэл дэлхий дээр 842 сая хүн хангалттай хоол тэжээл идэж чадахгүй байгаа гэсэн тооцоог НҮБ-ын Хүнс, хөдөө аж ахуйн байгууллага гаргажээ. Тиймээс аялагч Дубанчет очсон газар бүрийнхээ дунд сургуулиудаар зочилж, хүүхдүүдэд хоол хүнсээ хий дэмий хаяхгүй байхыг сануулж байгаа ажээ.