Украйны шинээр сонгогдсон Ерөнхийлөгч Петро Порошенко нутгийнхаа зүүн хэсэгт явуулж байгаа терроризмийн эсрэг ажиллагааг түр цуцалж 7 хоногийн хугацаанд гал нээхгүй байх шийдвэрийг гаргаж босогчдыг зэвсгээ хураалгахыг шаардаж байгаа. Олон Улсын зүгээс Петро Порошенкогийн энхийн төлөвлөгөөг үнэлж байгаа ба ОХУ-ын зүгээс багагүй шүүмжлэл дагуулсан ч уг төлөвлөгөөг дэмжиж байгаагаа илэрхийлсэн билээ. Тэгвэл Украйны Ерөнхийлөгч Петро Порошенко гал зогсоох шийдвэрээ хугацаанаас нь өмнө цуцалж магадгүй гэдгээ онцолсон байна. Учир нь Славянскт Украйны армийн “Ми-8” нисдэг тэрэг рүү довтолсон хэрэг гарчээ. Мөн ОХУ-ын талыг баримтлагчид гал зогсоох шийдвэрийг дэмжиж байгаагаа илэрхийлсэн ч энэ хугацаанд маш олон халдлага үйлдэж байгааг онцолсон байна. Өнөөдөр НATO-ийн гишүүд Брюссель хотноо уулзаж, Украйн болон Иракийн асуудлаар хэлэлцэх юм.