2014 оны зургадугаар сарын эхээр хорт хавдрын улмаас нас барсан АНУ-ын Луизианна мужийн иргэн Мириам Бурбанкыг оршуулах ёслолыг ар гэрийнхэн нь хачирхалтай байдлаар зохион байгуулжээ. 53 насандаа нас барсан түүний цогцсыг Нью-Орлеанс дахь гэрт нь хадгалж байсан юм. Хүүхдүүд нь түүнийг амьд хүн мэт виски, шар айраг өрсөн ширээний ард суулгаж, гарт нь тамхи зуулгажээ. Тэд ээжийнхээ хүслийг биелүүлэхээр гашуудлын арга хэмжээ биш үдэшлэг зохион байгуулсан байна. Талийгаачийг сүүлчийн замд нь үдэхээс өмнө ганган хувцас өмсгөж, үдэшлэг зохион байгуулдаг гаж аргуудыг зарим гэр бүл хэрэглэдэг ажээ.