Хойд Солонгосын гол, мөрнүүдийн урсгал татарч ойрын арван жил байгаагүй ган гачиг нүүрлэжээ. Зарим бүс нутгуудад хур тунадасын хэмжээ 40 жилийн дунджаас доогуур байгаа талаар тус улсын төв хэвлэл мэдээлэв. Мөн 70 орчим хоног бороо ороогүй газрууд ч байгаа ажээ. Ган гачгийн улмаас фермерүүд ургацаа ус зөөвөрлөн услах болжээ. Хойд Солонгосын эрх баригчид ард иргэдээ удаан хугацаанд хангах хүнсний нөөцгүй байгаа гэнэ. Тус улс 1990-ээд онд хүнсний хомсдолд орж, нэг сая орчим хүн амиа алдсан гэж үздэг.