Хойд Солонгосын удирдагч өөрийнх нь тухай инээдмийн кино хийж буй Холливудынханд ихэд дургүйцжээ. Тэрээр энэ киног гаргавал ямар ч өршөөлгүйгээр хариу арга хэмжээ авна гэж мэдэгдсэн байна. Хойд Солонгосын Гадаад хэргийн сайдын хэвлэлийн төлөөлөгч “Columbia Pictures” компани дайн өдүүлэх үйлдэл хийснийг сануулжээ. “The Interview” нэртэй кинонд жүжигчин Жэймс Франко тоглож, найруулагчаар нь Сед Рожен ажиллаж байна. Кинонд Ким Чен Унтай тун адилхан жүжигчин тоглож, Хойд Солонгосын нисдэг тэрэг, танк, цөмийн зэвсгүүдийг тулааны хэсэгт харуулдаг ажээ. Энэ кинонд терроризм, дайныг ичгүүр сонжуургүй харуулж, өөрсдийг нь доромжилсон гэж Ким Чен Ун үзжээ. Мөн Хойд Солонгосын удирдлагын тогтолцоог үзэн ядаж, жигшсэн өнгө аястай болсон гэнэ.