Канадын Манитоба мужид жил бүрийн хавар хэдэн мянган могой бөөгнөрөлдөн дэлхийн хамгийн том чуулганыг үүсгэдэг. Ус багатай, шохойн чулуу ихтэй энэ газар ан цав, хад агуй тогтжээ. Борооны ус ан цавны завсараар урсаж, аажмаар нүх үүсгэдэг байна. Өвлийн хүйтэнд хасах 50 градус хүрдэг хатуу ширүүн уур амьсгалтай Канадад хүйтэн цуст могойнууд эдгээр нүхэнд шигдэж, ичдэг ажээ. Могойнууд өвөл ичиж байгаад хавар болж, цас хайлахаар гарч ирдэг. Профессор Масоны тооцоолсоноор 35 мянган могой энэ бүс нутагт амьдарч байгаа гэнэ.